پاکستان میں فائیو جی انٹرنیٹ سروس کے لیے اسپیکٹرم کی نیلامی کا باقاعدہ آغاز کر دیا گیا۔
وزیرِ خزانہ محمد اورنگزیب، وزیرِ آئی ٹی شزا فاطمہ، وزیرِ اطلاعات عطاء اللّٰہ تارڑ نے چیئرمین پی ٹی اے حفیظ الرحمٰن کے ہمراہ فائیو جی اسپیکٹرم نیلامی کا آغاز کیا اور اس موقع پر پی ٹی اے نے 600 میگا ہرٹس اسپیکٹرم نیلامی کے لیے پیش کیا۔
فائیو جی اسپیکٹرم کی نیلامی کا پہلا گراؤنڈ 60 منٹ کے لیے ہو گا جبکہ بولی کے لیے اہل تینوں ٹیلی کام کمپنیاں نیلامی میں حصہ لے رہی ہیں۔ آئی ٹی کے شعبے کا آج اہم دن ہے: وزیرِ خزانہ محمد اورنگزیب
فائیو جی کی نیلامی کے حوالے سے کوششیں آج کامیاب ہوئیں: وزیرِ خزانہ محمد اورنگزیب
وفاقی وزیرِ خزانہ محمد اورنگزیب نے کہا ہے کہ ملک کی معیشت کو مستحکم کرنے کے اقدامات کیے جا رہے ہیں۔
اس موقع پر خطاب کرتے ہوئے وفاقی وزیرِ خزانہ محمد اورنگزیب نے کہا ہے کہ فائیو جی کی نیلامی کے حوالے سے کوششیں آج کامیاب ہوئیں۔
محمد اورنگزیب نے کہا کہ آئی ٹی کے شعبے کا آج اہم دن ہے۔ ملک کی معیشت کو مستحکم کرنے کے اقدامات کیے جا رہے ہیں۔
آج پاکستان کی تاریخ کا سب سے بڑا اسپیکٹرم آکشن ہو رہا ہے: شزا فاطمہ
تقریب سے خطاب میں وزیر آئی ٹی شزا فاطمہ نے کہا ہے کہ آج تک پاکستان صرف 274 میگا ہرٹز اسپیکٹرم پر چل رہا تھا جبکہ آج پاکستان کی تاریخ کا سب سے بڑا اسپیکٹرم آکشن ہو رہا ہے۔
انہوں نے کہا کہ اس اقدام کے بعد جلد فور جی سروس میں نمایاں بہتری نظر آئے گی جبکہ آئندہ 6 ماہ کے اندر بڑے شہروں میں فائیو جی سروس دستیاب ہو جائے گی۔
Post time 2026-3-10 17:04:27
—فائل فوٹو 
