امریکا اور اسرائیل کےایران پر حملے جاری ہیں، مجموعی طور اب تک ایران پر حملوں سے اموات 1300 سے تجاوز کر گئیں۔
ایرانی میڈیا کے مطابق شہر خمین میں امریکی میزائل حملے میں ڈاکٹر حافظ خمینی اسکول کو نشانہ بنایا گیا، جس سے قریبی رہائشی گھروں کو بھی نقصان پہنچا۔
تہران میں رات کے وقت شدید ترین بمباری کی گئی۔ مشرقی، جنوبی اور مغربی علاقوں میں زور دار دھماکے سنے گئے۔ تہران کے رسالت اسکوائر کے قریب حملوں میں 40 افراد شہید ہوگئے۔
ڈونلڈ ٹرمپ نے ایران کو آبنائے ہرمز پر قبضے کی دھمکی دے دی
امریکی صدر ڈونلڈ ٹرمپ نے ایران کو خبردار کیا ہے کہ اگر اس نے مشرقِ وسطیٰ میں امریکی یا اسرائیلی اڈوں پر مزید حملے کیے یا آبنائے ہرمز میں تیل کی ترسیل روکنے کی کوشش کی تو امریکا اس اہم بحری راستے کا کنٹرول سنبھال سکتا ہے۔
امریکی سینٹرل کمانڈ نے کہا ہے کہ امریکی افواج، ایرانی میزائل لانچرز کی تلاش جاری رکھیں گے اور جہاں بھی ملیں گے انہیں تباہ کر دیں گے۔
دوسری جانب ایران کی پاسدارانِ انقلاب نے جوابی کارروائیوں میں 33ویں لہر کے تحت مزید میزائل حملے شروع کرنے کا اعلان کیا اور کہا کہ آئندہ ایک ٹن یا اِس سے زیادہ وزن کے بھاری میزائل استعمال کیے جائیں گے۔
Post time 2026-3-10 17:43:48
فوٹو بشکریہ غیر ملکی میڈیا 
