|
|
 فوٹو: فائل
بانی پی ٹی آئی عمران خان کی بہن علیمہ خان نے کہا ہے کہ بانی پی ٹی آئی رہا کیسے ہوں گے، یہ گیم کھیلتے ہیں یہ تو علاج کروانے کے لیے تیار نہیں۔
راولپنڈی میں اڈیالہ جیل کے باہر میڈیا سے گفتگو کرتے ہوئے علیمہ خان کا کہنا تھا کہ ہمیں بانی پی ٹی آئی سے ملاقات سے زیادہ ان کی آنکھ کے علاج کی فکر ہے، ملاقات سے زیادہ ضروری ہے کہ بانی پی ٹی آئی کا علاج ہو۔
بانی پی ٹی آئی کے علاج سے متعلق ایک اور پٹیشن اسلام آباد ہائیکورٹ میں کل دائر ہو رہی ہے۔ ہمارا ایک ہی مطالبہ ہے اور کوئی نہیں، بانی پی ٹی آئی کا علاج شفا انٹرنیشنل اسپتال سے فوری کروایا جائے۔
یہ بھی پڑھیے
- ملاقات سے زیادہ عمران کا علاج ہماری ترجیح ہے، علیمہ خان
- عمران کیلئے پارٹی رہنما لڑنا نہیں چاہتے تو سائیڈ پر ہو جائیں، علیمہ خان
بانی پی ٹی آئی کی ضمانتوں سے متعلق توشہ خانہ ٹو سمیت 2 کیسز پینڈنگ ہیں، وکالت نامے پر ابھی تک دستخط نہیں ہوئے۔ اے ٹی سی راولپنڈی سے بھی وکالت ناموں سے متعلق رجوع کر رکھا ہے، عدالت کے حکم کے باوجود جیل انتظامیہ وکالت ناموں پر دستخط نہیں کروا رہی۔
صحافی نے سوال کیا کہ بانی پی ٹی آئی کی رہائی سے متعلق خوشخبری آنے والی ہے؟ جس پر علیمہ خان کا کہنا تھا کہ رہا کیسے ہوں گے، یہ گیم کھیلتے ہیں یہ تو علاج کروانے کے لیے تیار نہیں۔ |
|
Post time 2026-3-10 22:16:14