آسٹریلوی ہوم منسٹر ٹونی برک نے ایرانی ویمن فٹبال اسکواڈ کی مزید 2 اراکین کے پناہ لینے کی تصدیق کر دی۔
اس حوالے سے ہوم منسٹر ٹونی برک کا کہنا ہے کہ 1 کھلاڑی اور 1 سپورٹ ٹیم کی رکن نے بھی آسٹریلیا میں رکنے کا کہا ہے، جس کے بعد ایرانی ویمن فٹبال اسکواڈ کے آسٹریلیا میں پناہ لینے والوں کی تعداد 7 ہو گئی۔
ٹونی برک نے کہا ہے کہ یہ سب یہاں محفوظ ہیں، انہیں آسٹریلیا میں خوش آمدید کہتے ہیں، میں نے ہیومنٹیرین ویزوں کے لیے کاغذات پر دستخط کیے ہیں۔
آسٹریلیا نے ایرانی خواتین فٹبال ٹیم کی 5 کھلاڑیوں کو پناہ دیدی
آسٹریلیا نے ایرانی خواتین فٹ بال ٹیم کی 5 کھلاڑیوں کو انسانیت کی بنیاد پر ویزا جاری کرتے ہوئے ملک میں رہنے کی اجازت دی ہے۔
دوسری جانب آسٹریلیا میں پناہ لینے والی ایرانی کھلاڑیوں کو برسبین رور فٹبال کلب نے کھیلنے کی پیشکش کر دی۔
ایرانی ویمن فٹبال اسکواڈ کے باقی اراکین آسٹریلیا سے براستہ ملائیشیا ایران روانہ ہو چکے ہیں۔
واضح رہے کہ گزشتہ روز آسٹریلیا نے ایرانی خواتین فٹبال ٹیم کی 5 کھلاڑیوں کو انسانیت کی بنیاد پر ویزا جاری کرتے ہوئے ملک میں رہنے کی اجازت دی تھی۔
Post time 2026-3-11 15:49:43
—فوٹو بشکریہ غیر ملکی میڈیا 
