بھارتی ریاست کرناٹک کے شہر بنگلور میں ڈاکٹر شوہر نے اپنی ہم پیشہ بیوی کو بے ہوشی کا انجکشن دیکر قتل کردیا، واقعے کے 6 ماہ بعد شوہر کو گرفتار کرلیا گیا۔
بھارتی میڈیا کے مطابق اپریل میں مشرقی بنگلور میں مرنے والی جلد کی ڈاکٹر کارتیکا ریڈی کی موت کا معمہ آخر کار حل ہوگیا، پولیس نے خاتون کے شوہر اور جنرل سرجن ڈاکٹر مہندر ریڈی کو قتل کے الزام میں گرفتار کرلیا ہے۔
پولیس کا کہنا ہے کہ 21 اپریل کو ڈاکٹر کارتیکا اچانک بے ہوش ہو گئی تھیں، جس کے بعد ان کے شوہر نے انہیں قریبی اسپتال منتقل کیا جہاں ڈاکٹروں نے خاتون کو مردہ قرار دیا تھا۔
بھارت: افغان وزیرِ خارجہ کے دورۂ دیوبند میں شرکت کرنیوالے امامِ مسجد کے بیوی بچوں کو گلا کاٹ کر قتل کر دیا گیا
واردات کے وقت مسجد کے امام ابراہیم افغان وزیر خارجہ کے دورہ دیوبند کے پروگرام میں شرکت کیلئے گئے ہوئے تھے۔
ابتدائی طور پر معاملہ کو “غیر فطری موت“ کے طور پر درج کیا گیا تھا، تاہم جائے وقوعہ سے ملنے والے شواہد جن میں کینولا سیٹ، انجکشن ٹیوب اور دیگر طبی آلات موجود تھے، اس نے پولیس کو شک میں ڈال دیا تھا۔
فارنزک رپورٹ میں مقتولہ کے جسم میں طاقتور بے ہوشی کی دوا کی موجودگی کی تصدیق ہوئی، جو عام طور پر سرجری میں استعمال ہوتی ہے۔
رپورٹ سامنے آنے کے بعد مقتولہ کے والد نے 13 اکتوبر کو پولیس میں باقاعدہ شکایت درج کروائی، جس کے بعد پولیس نے 14 اکتوبر کو ڈاکٹر مہندر ریڈی کو ساحلی شہر منی پال سے گرفتار کرلیا۔
بھارت: ساس سے ناجائز تعلقات کا علم ہونے پر داماد نے اپنی بیوی کو قتل کر دیا
بھارتی ریاست اتر پردیش کے ضلع کاس گنج میں ساس سے مبینہ ناجائز تعلقات کا علم ہونے پر نوجوان نے اپنی بیوی کو قتل کر دیا۔
بنگلورو پولیس کمشنر سیمانتھ کمار سنگھ کے مطابق تمام شواہد شوہر کے ملوث ہونے کی نشاندہی کر رہے ہیں۔ اس نے واقعے کے وقت کسی بھی ممکنہ طبی خرابی کا ذکر نہیں کیا اور بعد میں پتہ چلا کہ مقتولہ کو سکون آور انجکشن دیا گیا تھا، جو بدنیتی پر مبنی عمل کو ظاہر کرتا ہے۔
پولیس کا کہنا ہے کہ ملزم نے اپنی طبی مہارت کا استعمال کرتے ہوئے بیوی کی موت کو قدرتی ظاہر کرنے کی کوشش کی۔ دونوں ڈاکٹر وکٹوریا اسپتال میں تعینات تھے اور ان کی شادی گزشتہ سال 26 مئی کو ہوئی تھی۔
Post time 2025-10-15 22:54:14
فوٹو: بھارتی میڈیا 
